9 Mars 2008 - Terrorizmi, Shqipëria,

Terrorizmi, Shqipëria, pa elementë kërcënues

Shoqata "George C. Marshall Albania", në bashkëpunim me Qendrën Evropiane për Studimet e Sigurisë "George C Marshall", me qendër në Garmish Partenkirchëen (Gjermani), organizuan në Tiranë një tryezë të rrumbullaktë mbi "Metodat e rekrutimit terrorist në Evropë", në hotel "Tirana International"
Pjesëmarrës në këtë aktivitet ishin profesorë të Qendres Marshall, Kryetari i Komisionit Parlamentar të Sigurisë, z.Leonard Demi, si dhe anëtari i këtij komisioni, z.Neritan Ceka, Ambasadori Amerikan z.John L. Ëithers II, zv.ministrat e Mbrojtjes dhe Ministrisë së Brendshme, zëvendskryetari i SHISH-it, atashetë Ushtarakë të ambasadave etj. Ambasadori Amerikan në vendin tonë përshëndeti këtë iniciativë dhe ka inkurajuar organizimin e eventeve të ngjashme dhe vazhdimin e bashkëpunimit ndërkombëtar si elementin kryesor në luftën kundër terrorizmit. Qëllimi i këtij takimi ishte të analizonte fenomenin e terrorizmit, shkëmbimin e informacioneve mes përfaqësuesve të institucioneve brenda dhe jashtë vendit, ndarjen e eksperiencave të përbashkëta, për zhvillimin e një terminologjie të përbashkët të rreziqeve dhe krijimin e strategjive të përbashkëta për të luftuar këtë fenomen.Në diskutimin e dr. John Le Beau, profesor i studimeve të sigurisë ndërkombëtare në qendrën Marshall, paraqiti interes shpjegimi lidhur me aktivitetin e rekrutimit terrorist, fenomen që buron nga tre degë kryesore: radikalizmi fetar, ndikimi i rrethit familjar dhe shoqëror, si dhe terroristët e vjetër të ashtuquajtur veteranë. Lidhur me temën e rekrutimit, diskutimi i të pranishmëve u ndal në aktualitetin shqiptar, nëse Shqipëria përbën një rrezik potencial për zhvillimin e këtij fenomeni. "Nuk kemi pasur struktura antiterrorizëm deri në fillim te viteve '90, por Kuvendi i Shqipërisë ka bërë një punë të madhe në lidhje me këtë çështje, si dhe në drejtim të forcimit të kuadrit ligjor", u shpreh deputeti Neritan Ceka. Sipas Kryetarit të Komisionit Parlamentar të Sigurisë, Leonard Demi, në Shqipëri nuk ka elemente kërcënues të terrorizmit. Në këtë kuadër kanë diskutuar edhe dy zëvendësministret, Zana Xhuka dhe Iva Zajmi.